النهاردة دردشتنا على الامهات وحبها وتعلقها بمعجون الاسنان واهميته وتدخله فى كل اساسيات الحياة وهنسمى دردشتنا الامهات ومعجون الاسنان
الام فى المطبخ مع معجون الاسنان .
طبعا من اولويات ادوات المطبخ عند اغلابيه الامهات معجون الاسنان قبل الاطباق والحلل والبوتجاز شخصيا لما يحمله من اهميه .
نبتدى نسأل هنا ليه بقى ؟
ببساطه بدل مافيه طبخ واستخدام سكين ميسلمش الامر مرة من جرح
او مرة من لسعه او حرق يبقى وقتها الحل الامثل والاسرع .
اول حاجه قبل ماتفكر هتوقف الجرح بمعجون الاسنان وهتبرد اللسعه او الحرق برضه بمعجون الاسنان
طب تعرفى لو ناموسه قرصتك اوبرغوته حطى كدة حته من المعجون هتضيع الاحساس اللدغه جربى بس مش كدة بس ياستى لو نضفتى سمك ولا كالتى ملوحه ولاقشرنى توم والريحه مش عايزة تروح من ايدك جربى حته من المعجون وادعكى ايدك هتروح منها الريحه بسرعه .
تعامل الامهات مع بناتها بالمعجون .
تعالو بقى نشوف البنات فى سن المراهقه وتزايد الاهتمام بالبشرة
تيجى البنوته تطلب من مامتها فلوس عشان تجيب غسول وكريمات لعلاج الحبوب وتفتيح البشرة
الرد طبعا بدون تفكير امبوبه المعجون عندك ياحببتى حطى على راس الحبايه القليل من معجون الاسنان مرة فى اليوم وهتشوفى نتيجه مبهرة فى ااقل وقت وااقل تكليف
واكيد برضه هتقول اعملى ماسك لتفتيح وتنظيف البشرة وبرضه هيجيب نتيجه مرضيه وسريعه بس جربى !
اخر استخدامات معجون الاسنان .
اكيد بالطبع الام عندها وصفات لتبيض الاسنان منها مثلا
تجيبى طوب احمر ايوة بتاع المبانى دة هاتى حته صغيرة ونعميها زى البودرة
او فحم اسود ونعميه برضه زى البودرة
وبين صوابعك كدة وادعكى سنانك هتشوفى احلا بياض ايوة بلاش تستغربى بس جربى الاول
ولو عندك اللثه حساسه استخدمى معجون الاسنان
وصفات زى العسل تسلم ايديك
ردحذف